Anerkennung/Bayern/Bac
السلام عليكم و رحمة الله، فهاد البوست غانشرح ليكوم كاع المراحل ديال معادلة الباك فولاية بايرن من A تال Z بالتفصيل داكشي علاش enregistrer عندك هاد البوست واخا تكون يلاه بادي اللغة أو ماباغيش تقادها دابا غاتحتاجو من بعد. على بركة الله نبداو بأول حاجة لي هيا الأنتراغ هاهيا أمبريميها أو عمرها:https://www.km.bayern.de/.../17219_antragsformular...
من بعد كاتكاليزي الوراق ديالك فالقنصلية (ضروري) و فبعض الولايات الأخرين المقاطعة فقط
القنصلية دالرباط كاتاخد موعد قبل فالموقع ديالهوم باش تكاليزي:https://service2.diplo.de/.../choose_categoryList.do...
الثمن المصادقة 280 درهم للورقة ، الثمن كاينقص إلى كانو وراق بزاف
القنصلية د كازا بلا موعد / الثمن كذلك بحال الرباط
الوثائق لي غاتحتاج: جواز السفر- الباك و بيان النقط ديالو أو إلى قريتي شي حاجة من مور الباك مثلا عندك ديبلوم أو الإجازة تا هما كاتزيدهوم مع بيان النقط ديالهوم. كاتدي ضوسي أوريجينال فيه الشواهد الأصلية مع جواز السفر أو ضوسي ثاني فيه فوطوكوبي ديالهوم
ماشي ضروري تصيفط الترجمة ديال الوثائق ديالك حيث ولاية بايرن كاتقبل الوثائق لي كايكونو باللغة الفرنسية و لكن إلى كانت شي وثيقة بالعربية فقط هنا غاتحتاج ترجمها و تكاليزيها فالقنصلية.فاش كاتعمر الأنتراغ أو كاتصادق على الشواهد ديالك فالقنصلية كاتزيد عليهوم CV ديالك غادير فيه داكشي لي قريتي من الإبتدائي لدابا و كاتأمبريمي داك إيمايل لي صيفطات ليك المدرسة المهنية (ماشي الشركة المدرسة المهنية هي لي كايقبلو) بلي خاصك دير معادلة الباك كاديرهوم فجوا كبير. القدام كاتكتب العنوان ديالك أو فضهر الصفحة كاتكتب العنوان ديال المكتب:
Bayerisches Landesamt für Schule – Zeugnisanerkennungsstelle Stuttgarter Straße 191710 Gunzenhausen
من بعد كاتصيفط الضوسي ديالك إما فالبوسطا/DHL/ MTI Express
أنا صيفط مع MTI ب 250 درهم ها رقم ديالهم:
Mti Fix: 05 22 27 67 28
كاتعطيهم فوطوكوبي د لاكارط ديالك أو شهادة مدرسية راه كايجيو تال عندك. صافي ضوسي ديالك كايوصل مابين 3-7 أيام
المعادلة فولاية بايرن فابور أو كاتستغرق تقريبا شهر
تعديل:
مؤخرا ولا المكاتب دالمعادلة كايطلبو عقد الشركة بلاصة الإيمايل، داكشي علاش من الأحسن إما تهدر معاهوم قبل ماتصيفط الضوسي ديالك ولا تشوف شي واحد يالاه دارها مؤخرا تسولو حيت أنا درتها ف غشت 2021 و ضروري غاتكون تبدلات شي حاجة.
هاد السؤال كايتطرح عليا بزاف هوا كيف ندير لCV . سيفي غاتخليه هوا هوا غي فبلاصت داكشي لي قريتي غادير من الإبتدائي تال دابا بحال هد الشكل:
20**-20**: Abitur
Gymnasium…..(smya d lycée)
20**-20**Mittelschule abschluss
Mittelschule…(smya d College)
20**-20**: Grundschule abschluss
Grundschule…(smya dmrassa)
هادشي لي كاين أخوتي، إلى باقا شي حاجة ماواضحاش أولا شي واحد عندو شي سؤال يخليه فكمونطير و الله يسهل علينا كاملين