ناس بزاف كيسولو على Vorstellungsgespräch (مقابلة) و على كيفاش كدوز و اشنو خاصني نوجد ليها ؟
شناهو Vorstellungsgespräch لي هو بالعربية المقابلة سوى في مقابلة عمل او مقابلة تكوين ؟ و كفاش نوجد ليه ؟و كفاش كدوز؟
كاين Kennenlernen و هادي غالبا كيبغو غير يتعرفو عليك بيها و غالبا كتكون المقابلة الاولى بناتكم و المدة ديالها مكتفوتش 30 دقيقا و من خلالها فالشركة كتبغي تعرف عليك. نقطة أخرى هنا غالبا غدي دوزها مع Personalabteilung اولا Ansprechpartner يعني هداك ليكيكون في البيرو كيجوب على تلفونات و خدمة ديال طلبات و دكشي . أما لكنت شي شركة كبيرة و معروفة فراه لدازت المقابلة الأولى مزيان غادي يعرضو عليك لثانية و لي هي Vorstellungsgespräch وهنا فالمقابلة الثانية غدي يكون الشخص الأول زائد Arbeitgeber لهو الشخص المسؤل عليك وهنا المقابلة كتكون طويلة على لولا كيتعمقو معاك في ضومين غالبا 45 دقيقة. و في بعض الحالات ملي كتكون غا مقابلة وحدة تقدر دوز معا كثر من شخص يعني المشغل و Personalabteilung و شخص آخر من الشركة.
كيفاش نوجد لمقابلة (Vorstellungsgespräch)
اولا خاص يكون عندك نيفو ديال Sprechen شوية مزيان زائد تكون كتسمع مزيان اش كايتقال و تفهم و الى مافهمتيش راه عادي كتقوليهم (ممكن من فضلك تعاود ليا السؤال) حيث راه كاين ناس لعندهم B2 و ميعرفوش يكونو جملة مفيدة حيث غالبا واخدين B2 غير بالحفاظة ماشي قراو على راسهم باش يفهمو اللغة. معلينا الخطوا الثانية اسيدي غدي تمشي لديك Anzeige ديال الشركة لي كنتي منها درتي Bewerbung و تما كاينين معلومات وهنا غدي تجيب ورقة و تجمع اهم المعلومات.
مثلا :
* امتى تأسست الشركة و شكون هو . شكون هو Geschäftsführer (المدير العام) ديالها. اهم الخدمات لكدير.
* شحال عندها من فرع الا كانو عندهم فروع.
* و اشنو نوع الخدمة ديالها و داكشي..
الخطوا الموالية جمع معلومات على هدك الاوسبلدونك لغدي دير Bereich اهم المواد لغدير تقرا فيه و حاول تكتب بشكل مختصر ثم الا كنتي دير هنا شي تكوين حاول كذالك تكتب اهم الحوايج لدرتي فيه مثالا العام الأول ها اشنو درت و العام الثاني كذالك بالنسبة لسطاجات خلاصة القول دكشي لذاكرو في Lebenslauf خاصك تكون عرف اش درتي فيه . وزيادتا على هدي غدي توجد لوحد الأسئلة لغدي نعطيكم تقريبا لتعودو فجميع المقابلات .
.عرف ليا راسك هنا يقدر يقولها ليك يقدر لا ولكن من أحسن تقوليه Darf ich mich kurz vorstellen lassen
.كيفاش لقيتي الشركة ديالنا حيث حتى هو كيبغيو يعرفو كيفاش ناس لقاوهم..
.علاش المانيا بالظبط ومشي بلادك
.كيفاش كتشوف راسك منها 5 سنوات المقبله كين يسولك اش بغي دير من بعد ما تسالي Ausbildung.نقط القوة و الضعف
هادو لكيتعودو و كين لغدي يسولك لكنتي دير تكوين هنا فالمغرب علاش بغي دير تاني اوسبلدنك في المانيا ؟
كين لغيقولك شرحلي اش درتي فالتكوين و لا الخدمة و لا داكشي لي كنتي كدير في المغرب و كفاش دير التكوين ديالكم و سيستا ديال الخدمة و لقراية فيه ؟
كذلك سطاجات لذالك خاصك تكون موجد كاتب داكشي ، من الأسئلة يقد يسولك على شي فترة ديال الوقت خاوية اشنو درتي فيها لذلك نعودها حاولو توجدو مزيان باش مضيعوش لفرصة.
و أخر حاجة و لي الأغلبية ماعارفينش بلي حاجة عادية جدا و تقدر تهدر فيها و هي الأسئلة لي نتا باغي تسولها و من حقك و حتى هوما غادي عجبهم لحال الى سولتي
الأسئلة ديالك مثلا :
_شكون هو Arbeitgeber ديالك و لي مكلف بيك
- واش عندكم Ausländer خدامين فشركة
- كدير Abteilung لغادي نخدم فيه
- شحال بعيدا المدرسة على الشركة
-واش كتقدمو إمكانية السكن، واش تقدرو تساعدوني باش نلقا سكن ملي نتقبل (اهم نقطة 
)
- امتى نقدر نتلقى جواب على واش قبلتوني و لا لا
بقا سؤال الاخير كيفاش كدوز المقابلة
المقابلة غالبا كدوز ف Teams, Skype , zoom wla Google Meet , هدو كاملين يقدر يدوز فيهم الواحد المقابلة و حتى الوتساب و لكن غالبا الأولين حيث بروفيسيونال و عمليين.
نهار لي جيك #ايميل بلي عرضو للمقابلة و حددو ليك واحد نهار و الوقت فخصك دير Bestätigung لذاك الإيميل و ترد عليه بلي راك قابل بالمقابلة و مناسبك التوقيت و نهار ديالها…وهنا كيصفطو ليك وحد ليان ولا link لي هو لغدي دخل منو نهار المقابلة فالأول هدك الشخص كيعرف راسو و كيبدا يسولك و الاخير كيقولك لعندك شي أسئلة.
اهم النصائح
توكل على الله و وجد مزيان، و ماعاندك مناش تخاف و خصوصا فيما يخص اللغة ديالك حيث غالبا كتقول راها ضعيفة.. ا سيدي هوما راه عارفين بلي اللغة ديال الناس لي من خارج المانيا كتكون ضعيفة و لكن فاش كيشوفوك كيفاش كدير مجهود باش تهضر و تفهم ف راه كاياخدوها بعين الإعتبار من الأحسن دوز في PC و يكون كاسك مزيان و ميكرو مزيان .ك(حاول تجربهم بنهار قبل)ليس شي حاجة زوينة 
حاول تكون كونيكسيون مزيانةملي تبدا المقابلة شكرهم على هد الفرصة و الوقت ديالهم.