هذا ثاني مجال غادي نكتب عليه.. و انا بلعاني مابغيتش نبدا بمجالات #التمريض و #الطبخ حيث صراحة راه ماكاينينش غير هاد الجوج و لي اصلا الأغلبية غير كيجي كيبدا يتشكى منهم و بزاف لي ماكايقدروش على Stress لي فيهم.. غادي نهضر عليهم حتى هوما و لكن ماشي دبا..
ادارة مكاتب (سكرتارية) هاد الأوسبيلدونغ يقدرو يديروه بنات و ولاد.. بالنسبة للبنات لي بالحجاب
صراحة صعيب شوية الا في حالة كانت شركة ديال شي مسلم و ماعندوش فالشروط عدم ارتداء #الحجاب
هاد #الأوسبيلدونغ كتعلم فيه كل ما له علاقة بأعمال المكتب كالتنظيم الإتصالات الهاتفية و تهيئة المراسلات.. تنظيم الإجتماعات و تحضير كل ما له علاقة بذلك..
- اشنو هوما الشروط باش ندفع لهاد #الأوسبيلدونغ ؟
نيڤو باك ولا الباك او ما فوق
مستوى اللغة خاص يكون عندك مزيان يعني B2 للفوق و تكون كتهدر شوية مزيان و يكون عندك احس التواصل
يستحسن الواحد يكون عندو شي ديبلوم و لل عندو خبرة فالمجال
يكون عندك حسن اللباقة و الهدوء و تعرف كيفاش تعامل مع الآخرين..
تكون عندك خبرة فالكميوتر 
و دوك البرامج ديال تنظيم المواعيد و داكشي - شحال مدة هاد #الأوسبيلدونغ ؟
غالبا 3 سنوات و خصوصا للناس لي معندهاش تجربة كافية فهاد المجال.. اما لاكنتي خدمتي فيه بزاف فالمغرب.. فاش تجي و شوفوك مزيان.. راه تقدر تقلص المدة لسنتين
- اشنو هوما المواد لي كاتقرا فهاد #الأوسبيلدونغ ؟
ادارة المكاتب و داكشي الإداري Verwaltung und Büroorganisation
الإتصالات و المراسلات الإدارية Kommunikation und Korrespondenz
التسويق المبيعات Marketing und Vertrieb
المحاسبة و المالية Rechnungswesen und Finanz
تكنولوجيا المعلومات و الإتصالات Information und Kommunikationstechnik
ادارة المشاريع و التنظيم Projektmanagement und Eventorganisation -
فين يقد يخدم الواحد فاش يسالي هاد #الأوسبيلدونغ ؟
تقدر تخدم فشركات سوى خاصة و لا ديال الدولة ف مختلف المجالات كالصناعية و التجارية و التيكنولوجيا.. تقدر تخدم فجامعات و لا اكاديميات تعليمية.. تقدر تخدم فالقطاع الصحي يعني عيادات و لا مصحات بحيث كتكون مسؤول على كل ما هو عندو علاقة بإدارة المكاتب و الأعمال الإدارية..
- شحال الصالير فسنوات #الأوسبيلدونغ ؟
السنة الأولى : تقريبا 1050€
السنة الثانية : تقريبا 1150€
السنة الثالثة : تقريبا 1250€
و فاش كتبدا الخدمة مورا ماتسالي الاوسبيلدونغ فالصالير كيكون تقربيا : بين 2200€ حتى 3000€ و الصالير كايتزاد مع ازدياد سنوات الخبرة و يقدر يوصل حتى 3500€ مع بعض الحوافز لي زايدة 
خلاصة : هاد المجال حتى هو كيبقى من المجالات لي يقدر الواحد يدفع ليهم و خصوصا الناس لي قراو فتخصصات كتهم ادارة الأعمال بصفة عامة.. مجال كيقى حتى هو زوين و تقدر مع الوقت تزيد طور راسك فيه.. وعلاش لا تقدر دير شي حاجة لي ديالك مثلا كشركة صغيرة و تبدا بشوية بشوية.. و لكن من بعد ماتاخد تجربة مزيان.